老是常出现 Lou Si Soeng Ceot Jin

剧情:

阿蘇（陳湛文 飾）艱苦地逃離電騙集團嘅人間煉獄後，因緣際會下加入一間叫「彰老院」嘅護老院，成為行政經理重過新生，但發現份工唔係咁易做⋯「彰老院」表面係高級護老院，實際係忘齡遊樂園；表面掌權嘅係院長，實際上係由院友揸大權。院舍卧虎藏龍，一班老而彌堅嘅院友：靈魂人物老大（劉江 飾）、過氣風月版才子木村（張雷 飾）、火爆搞笑前消防貓叔（曾偉明 飾）及鬼靈精前編輯貓嬸（吳浣儀 飾），最鍾意每日係院舍生事端。亦有一班毫不團結嘅職員：勁純情超善良的Martin（ANSONBEAN 飾）、好勝心嘅阿Ca（劉沛蘅 飾）、甜美嘅娜娜（葛綽瑤 飾）、厭世嘅班班（伍詠詩 飾）。加上一對超齡純愛「First Love」戀人，蓮妹（米雪 飾）同Peter（石修 飾），令阿蘇每日刷三觀，疲於奔命，但斯德哥摩症嘅佢又樂在其中⋯不過紙包唔住火，阿蘇一段不堪回首嘅經歷隨時穿煲⋯同時一股惡勢力想瓦解「彰老院」，職員同院友都有機會要執包袱走！阿蘇可以點維護依個「人生第二春」嘅天堂？